WalaOne Games Q&A

س: وين ألاقي الألعاب داخل التطبيق؟

ج: الألعاب دايم موجودة في قسم اربح معنا ، وتقدر تدخل عليه من الصفحة الرئيسية.

س: وش أقدر أكسب من الألعاب؟

ج: تقدر تكسب نقاط إضافية تختلف حسب كل لعبة وكل حملة. عدد النقاط اللي راح تكسبه يظهر لك في آخر صفحة بعد ما تنتهي من اللعبة، فدايم كمل اللعبة الى النهاية عشان تعرف كم كسبت من نقطة.

س: هل فيه عدد محدد للمحاولات؟

ج: بعض الألعاب فيها عدد محدود من المحاولات بشكل يومي أو أسبوعي، وبعضها تقدر تلعبها مرة وحدة فقط. كل لعبة لها شروطها، وتختلف حسب كل حملة. إذا دخلت تلعب وطلعت لك رسالة "استهلكت فرصتك بس خلك قريب"، فهذا يعني إنك خلصت المحاولات المسموحة لك.

س: ما اشتغلت اللعبة معي، وش الحل؟

ج: جرّب تسوي تحديث للتطبيق أو تتأكد من اتصال الإنترنت. إذا استمرت المشكلة، ممكن يكون فيه ضغط على اللعبة، فحاول تجربها بعد مدة.

س: هل الألعاب تأثر على رصيد نقاطي؟

ج: لا، الألعاب هي فرصة لك تكسب نقاط إضافية بطريقة ممتعة، وما تأثر أبدًا على رصيد نقاطك الحالي.

س: متى تطلع الألعاب داخل التطبيق؟

ج: ما فيه وقت محدد لظهور الألعاب. وفي حال توفرت لعبة جديدة، راح توصلك إشعارات على جوالك.

س: كم مرة أقدر اكسب من نفس اللعبة؟

ج: يعتمد على نوع اللعبة. بعض الألعاب تسمح لك تكسب مرة وحدة، وبعضها تقدر تكسب أكثر من مرة في فترات مختلفة حسب الحملة.

س: فزت في اللعبة لكن طلع لي إني خسران، وش السبب؟

ج: على الأغلب اللعبة كانت معلّقة بسبب الضغط وقت مشاركتك. شاركنا تفاصيل اللعبة (اسم اللعبة ووقت اللعب)، وإن شاء الله نحول لك النقاط المستحقة خلال أسبوعين.

س: طالبت بنقاطي المستحقة وما وصلتني؟

ج: راح يتم تحويل النقاط المستحقة خلال أسبوعين من تاريخ تواصلك معنا. إذا ما وصلتك خلال هالفترة، تقدر ترجع تتواصل معنا ونتابع حالتك مباشرة.

س: هل في حد أعلى للنقاط اللي أقدر أكسبها من الألعاب؟

ج: كل لعبة يكون لها عدد نقاط محدد، وجميع الفائزين في نفس اللعبة يفوزون بنفس العدد من النقاط.

س: هل في طريقة أزيد فرصي بالفوز؟

ج: لا، ما تقدر تزيد فرصك بشكل مضمون. بعض الألعاب تعتمد على الحظ، وبعضها تعتمد على مهارتك وسرعة تفاعلك.

س: ليش عدد النقاط اللي طلع لي بآخر صفحة من اللعبة يختلف عن اللي موجود في صفحة "عرض مشاركاتي"؟

ج: عدد النقاط اللي يطلع لك في "عرض مشاركاتي" هو فقط عدد النقاط داخل اللعبة اللي تحدد إذا كنت فزت أو لا، لكنه مو النقاط اللي كسبتها فعليًا.

أما عدد النقاط اللي يطلع لك في آخر صفحة من اللعبة بعد الفوز، فهو الرقم الصحيح للنقاط اللي تستحقها وراح تُضاف لرصيدك.